।। भ्रांत तुम्हा कां पडे ?।।

• हिन्दु पुत्रांनो स्वताःला लेखिता कां बापूडे ?
  भ्रांत तुम्हा कां पडे ?
  वाघिणीचे दूध प्याला वाघ बच्चे फाकडे ।।ध्रु।।

---

• हिन्दुभूमि वीर प्रसवा, वैभवाला पावली,
  का आता खालावली ?
  धन्यता द्याया कुशीला सिध्द व्हा ठाका खडे
  भ्रांत तुम्हा कां पडे ।।१।।

---

• पूर्वजांची थोरवी, लाभे कधी बोलून का ?
  झिंगूनी डोलू नका,
  लक्ष द्या चोहीकडे द्या काल वैशिष्ट्याकडे
  भ्रांत तुम्हा कां पडे ।।२।।

---

• श्रेष्ठता जन्मेच ये का जाती पंथाला त्यजा,
  हिन्दुतेला या भजा
  नेमका का भेद भासे साम्य सारे का दडे ?
  भ्रांत तुम्हा कां पडे ।।३।।

---

• एकनाथांची कशी आम्हांस होई विस्मृती ?,
  जो दया मानी स्मृती
  अंत्यज्याचे जो कडे पोर तान्हे शेंबडे
  भ्रांत तुम्हा कां पडे ।।४।।

---

• पोट जाळायास देव्हारे पुजारी माजवी,
  संस्कृतीला लाजवी
  चूड घ्या अन् पेटवा दुष्ट रूढींचे हे मढे
  भ्रांत तुम्हा कां पडे ।।५।।

---

• ईच्छिता स्वातंत्र्य द्या, स्वातंत्र्य ते अन्यासही,
  का न कोणा आस ही ?
  का गुलामाचे तुम्हा सुलतान होणे आवडे ?
  भ्रांत तुम्हा कां पडे ।।६।।

---

• कायदा पाळा गतीचा काळ मागे लागला,
  थांबला तो संपला
  धावत्याला शक्ती येई आणि रस्ता सापडे
  भ्रांत तुम्हा कां पडे ।।७।।

---

🏰 श्री शिवप्रतिष्ठान, हिन्दुस्थान 🏰
🚩 गुरुवर्य श्री संभाजीराव भिडे गुरुजी
      ।। जय भवानी जय शिवराय ।।

📞 Share | Forward | Follow 👇